"بحبك يا ربى ".............
السبت، 30 أغسطس 2008 by سارة علي
رجعت تانى ادوب فى دمعى
اركع واسجد ليك يا ربى
التوبة فى قلبى بتشكى
فينك وفين حبك يا بنتى
ولا الحياة واخداكى فى طوفان وروحتى
غبت يا ربى وسط دروبى
سكة تاخدنى وسكة ترجعنى لحنينى
وانا زى الالاف البشر فى الوهم مشيوا
بس نورك دايما كان ليهم طريقهم
سجدت و بكيت وطلبت شعاع ينور بصيرتى
فى منامى خايفة اموت ويكتر عذابى
وسط وشوش البشر تاهت حكايتى
لكن عرفت ان طريقى على باب حبيبى
حبيبى انت يا ربى دايما واقف جنبى
ووسط موج النفس شديت عزيمتى
وليك وحدك بقول ارحمنى ونور دروبى
بحبك يا ربى ......... بحبك يا ربى
ربنا يعزك ياسارة ويبلغنا واياكى شهر رمضان
جميلةةةةةةةةةةةةةةةةةة
السلام عليكم
ربنا يخليك يا مدحت وكل سنة وانت الى طاعة ربك اقرب ويا رب يعود علينا الايام بخير
تحياتى
با رب ..
دعاء جميل اوي يا ساره , وان شاء ربنا يتقبل منك ومنا جميعا, ويغفر لنا ما ارتكبناه من ذنوب ويعفو عن سيئاتنا ويتغمدنا برحمته
جميلة جدا
بجد كلمات جميلة وبسيطة
هدنا الله وأياكم للخير دائما
راضين بقضاءه وقدره
كل سنة وانتى طيبة ياسارة
كل التقدير والاحترام
السلام عليكم
ربنا يخليك يا محمد وربنا يتقبل منا جميعا ويرحمنا برحمتة
تحياتى كل سنة وانت الى طاعة ربنا اقرب
ازيك يا اخر العنقود
منورة يا سكر المدونة ربنا يكرمك يا رب ويجعلنا واياكى ممن يصبرون فى زمن الابتلاء
صحيح :::::: لو ممكن تنضمى لينا فى اسرة نور الجنة دة يشرفنا
كل عام وانتى الى طاعة ربنا اقرب
تحياتى ليك يا سكر
ربنا يباركلك على الكلمات
فعلا
ما احلى الحياه
بالحب فى الله
كلماتك جميلة اوى
وكل سنة وانتى طيبة
ورمضان كريم
السلام عليكم ورحمة الله وبركاته
بارك الله فيكى اختى سارة وعفى عنكى وعنا جميعا وانا بصيرتنا وجعلنا من عتقاءه فى هذا الشهر الكريم بكرم الله علينا
دمتى برعاية الله
اوعى تفكر
اهلا بيك فى مدونتنا المتواضعة وجزاك اللة خيرا على زيارتك الغالية
فعلا ما احلى ان تحب الله عز وجل فهذا هو سر سعادة الدنيا والاخرة معا
تحياتى
ازيك يا رارا
منورة مدونتنا يا سكر
شكرا على كلماتك الجميلة ويا رب دايما كلماتنا تنول اعجابك وبنرحب بمشاركتك معانا دة شىء يشرفنا
كل عام وانتى الى طاعة الرحمن اقرب
رمضان مبارك
تحياتى
الملاك
منورة يا قمر المدونة بمشاركتك معانا وجزاكى اللى كل خير على موضوعك الاكثر من رائع قراتة قبل ذهابى للامتحان وجعلنى انشرح كثيرا
شكرا على كلماتك الغالية ويا رب دايما فى تقدم الى مرضاتة وحسن عبادتة
رمضان كريم
تحياتى