"انها ارادة اللة "......
الأربعاء، 6 أغسطس 2008 by سارة على
خفت كثيرا عندما استشعرت قرب الموت ..... كنت احاول التركيز فى قراءة الشهادة .... كان قلبى ينتفض فى الم وحيرة وتضرع فى دعاء مكتوم ...... نعم كنت استجمع كل لحظات وجودى فى لحظة واحدة ..... كنت اراقب السيدة الجالسة بجوارى كيف كانت تضم طفلها فى خوف وحنان ..... فتذكرت ان ربى اكثر حنانا من تلك الام على صغيرها ..... كنت اراقب تجهم وعلو صوت سائق الميكروباص ... كنت استجمع الاحداث ...... اخر اصوات اخوتى ..... مكالمة امى الاخيرة ..... مجلسنا سويا ..... كنت اراقب سنوات عمرى فى عجالة سريعة ..... كنت اترقب موتى ببطء ..... اتمنى حدوث كل شىء بسرعة .... ها هى المقطورة الكبيرة ..... اغمضت عينى لحظات ........ اعيش داخل الصمت مترقبة صوت الارتطام الشديد ....... تذكرت كثيرا ايام دروس مسجد الحصرى ... صلاة التراويح ....... توقفت عند احساس قلبى بالانتفاض من البكاء .... لاجد الميكروباص مر بسلام ...... نعم انا على قيد الحياة..... تحسست جسدى ...... لازالت نبضاتى مسرعة .... استشعرت وقتها ان تذكرى لتلك اللحظة الايمانية فى المسجد كان يجمع شتات فكرى وخوفى معا ....... انها ارادة اللة ان احيا لتلك اللحظة ....... ولكنى لا ادرى لازلت مصدومة الارجاء داخلى ......
تعرفى
واحد زميلى كان عامل حادثة ومقطورة على طريق مصر السويس
الكلام ده من قيمة خمس ست شهور
وواحد معاه مات فى العربية
برضه حكالى الموقف هو ربنا نجاه
الحمد لله
بس فعلا بيبقى موقف صعب للغاية
موقف صعب جدا
اة يا مدحت
صعب جداااااااااااا
عارف انا اول ما دخلت الكلية رحت على المسجد وسجدت وفضلت اعيط ساعة متواصل بهستريا وربنا بعتلى واحدةزميلتى لقيتها فى المسجد كنت مصدومة وحاسة انى مش عارفة اجمع نفسى خالص
الحمد للة بس عارف حسيت ان ربنا معايا اوى
بس عارف افتكرت حادثة كانت لناس صحابى كانوا راجعين اسماعيلية فى بداية الدراسة فى الكلية ربنا يرحمهم ... كنا فى سنة اولى لسة والحادثة بتاعتهم اثرت عليا اوى كنا صحاب اوى
جميلة أوي يا سارة
قد تمر علينا تلك اللحظات بالخوف من الموت
ليكون قلساننا دائما رطبا بذكر الله
عارفه يا ساره كان ليا واحد قريب ,هو يعتبر مولود في نفس اليوم اللي اتولدت فيه ,كان مفروض ايسافر لدوله عربيه عشان يشتغل , وحب قبل رمضان يقضي يومين في اسكندريه مع صحابه وكان لسه مطلع الرخصه , وعمل حادثه في طريق مصر اسكندريه وقعد بعدها في غيبوبه لاسابيع قبل ما ينتقل للرفيق الاعلي ..
مش قادر اقولك اثرت فيا الحادثه دي اد ايه ..
ربنا يرحمه ويرحم جميع موتي المسلمين , وحمدالله علي سلامتك مره تانيه
تسلميلى يا ايمى
ربنا يرحمنا ويجعل اخرتنا خير
تحياتى
فعلا يا محمد
الانسان بيتاخد بالدنيا وساعات بيغفل ولما بيحس ان الموت قريب منة شعرة بيتزلزل ودة يخلينا نعمل اكتر للاخرة لان معنى خوفنا الشديد من الموت عدم استعدادنا الكافى لية
تحياتى