مين مننا مش محتاج لربنا
الأربعاء، 6 أغسطس 2008 by مدحت محمد
اصعب حاجة على الانسان انه ينسى ربه او ينسى هو مخلوق ليه
واصعب حاجة على الانسان انه تسرقه الدنيا فيغوص فى شهواتها وتغره
اصعب حاجة على الانسان انه يقابل الموت وهو مش مستعدله
اصعب حاجة على الانسان وهو فى سكرات موته عايز ينطق الشهادة ومش عارف بسبب كتر ذنوبه
اصعب حاجة على الانسان موت القلب
اصعب حاجة على الانسان انه يكون نفسه يخشع فى صلاته ومش عارف
واصعب حاجة على الانسان انه يكون نفسه تدمع عينه ومش قادر
واصعب حاجة على الانسان انه يكون كل اصدقائه اصدقاء سوء وبسببهم مش قادر يقرب من ربنا
ليه دايما الانسان مبيحتاجش ربنا غير لما يتزنق بمرض بتعب حد قريب منه يتعب او يموت لما يكون بيمتحن او مستنى النتيجة
نلاقى البنى ادم شغال ادعية وصلاة وذكر وقرب من ربنا
واول ماربنا يستجيبله ينسى ربنا
ويسيب الصلاة الذكر والقرب
وتاخده الدنيا
تانى
ويفتكر نفسه انه خالد مخلد فيها
لو غرتك صحتك اعرف انى ربنا اللى مديهالك
ولازم تحمده عليها
لانه ممكن يسحبها منك فى اى وقت
النظر اللى ربنا امرك بغضه هو اللى واهبهولك
ولازم تحمده عليه
لانه ممكن يسحبه منك فى اى وقت
يارب احنا محتاجينلك اوى
والدنيا خدتنا اوى
اااااااااااااااول تعليق
فعلا يا مدحت احنا محتاجين ربنا اااااااااوى محتاجين نحس فعلا الايمان بقلوبنا محتاجين منقولش لسة صغيرين والعمر طويل قدامنا الموت مالوش معاد ومش بيديك اختيارات ...... محتاجين نحب ربنا حب بجد ... محتاجين نكون دايما مع ربنا حتى لومكناش وقت محنة وشدة ....
تحياتى
ربنا يجازيكى خير يارب ياسارة
فعلا يا مدحت احنا بنبقي غافلين وواخدانا الدنيا , لغايه لما نتعرض لكرب ومحنه شديده ساعتها بس بنفتكره ..
اللهم املأ قلبنا بذكرك دائما في وقت اليسر وفي وقت العسر وفي كل وقت طالما ظلت قلوبنا تنبض بالحياه
الفارس
اللهم امين يارب العالمين
ربنا يتقبل ان شاء الله